तुझे डोळे

झोपायचा प्रयत्न करत असतो मी... उगाच
कुस बदलून होते...
लाईट चालू बंद करुन होते
मग बसतो उठून
आरशात बघतो उगाच हसून
मोबाईलमधले मेसेजेस..
लॅपटॉपवरचे फोटो
जुने चाट्‌स..
तोंडपाठ झालेल्या गोष्टी
करुन, बघून होतात... कित्येकदा..
पण... झोप लागत नाही
अन मग उलटे आकडे मोजायला सुरुवात करतो
१०० पासून...
मधेच कुठपर्यंत आलो हे विसरतो
मग परत सुरुवात नव्यानं
मोठ्या प्रयत्नानं लक्षात ठेऊन
मोजत राहतो आकडे...
कसबसं ९० पर्यंत आल्यावर...
आठवतात तुझे डोळे...
अन मग विसरतो... "बाकी सगळंच"


के.पी. आर.
(च्यायला विषय ईथेच संपतो... बाकी काहीही लक्षात ठेवण्याचा)