बदलतंय आयुष्य

बदलतंय आयुष्य, कुणास ठाऊक कसं
हसतंय ही पाहून माझ्याकडे, अगदी कसंनुसं
पण.. नकोय हे असं.. कसंतरी.. काहीतरी..
च्यायला चुकतंय, नक्कीच चुकतंय कुठतरी
प्रश्नामागून प्रश्न, प्रश्नाचं उत्तरंही प्रश्न
प्रश्नातंच गुदमरलंय माझंही असणं
गुंत्याचा गुंता अजूनंच वाढतोय
च्यायला सुटणाऱ्या गाठीही
कसं न कोण तोडतोय?
चाललंय असंच नुसतं
मागच्या पानावरुन पुढं
विचारु नका कुणीकडून कुणीकडं
जमत नाहीये, "नाहीच" एवढं मात्र नक्की
पण काय??? कधी होणार याची खात्री पक्की
ना संदर्भ ना स्पष्टीकरण
ना जागा रिकाम्या कुठल्या
ना कुठलं कारण
कशाचंच नाही उत्तर कसलं
खरं अन खोटं
राहीलंय... उरलंय...
भरलंय अन कोरलंय
एक प्रश्नचिन्ह तेवढं "मोठं"

कुठं??? हं... ???

के पी आर