भाऊबीज - ओवाळणी

भाऊबीज - ओवाळणी

नाही गं ताई..... भाऊबीज कोरडी राहत नाही.

कारण कितीही दूर गेलं तरी काळजातला झरा वाहायचा थांबत नाही.

नीट बघ, निरंजन तिथेच नाही ज्योत ईथेही पेटली आहे.

मनाच्या आभाळातली सर आज भाऊबीजेला तुला न मला भेटली आहे.
उसासा दिर्घ असला तरी थंड नाही वाटत आज.

तुझ्याच प्रेमाची त्याला आहे गाज.

मन आठवांच्या हरेक क्षणात....

चिडलो भांडलो तंटलो तरी आजमन घुटमळे तुझ्याच अंगणात.

वेडे तुझं नि माझं अंगण वेगळं कधी नव्हतंच मुळी.

भावनेच्या भरांत आज काहीतरीच बोलतेय खुळी.
बघ हा गधडा आलाय तुझ्या अंगणात.

कर औक्षण माझं, चल ना भाऊबीज साजरी करुयात.

चल, सोबत बसून पुन्हा एकदा आठवांच्या क्षणांची करु ऊजळणी.

द्यायला बाकी काही नाही गं ताई, हे क्षणंच माझ्याकडून समज ओवाळणी.....

तुझाच (गधडा) भाऊ....
कुणाल.