तिला ग्रेस वाचायला आवडतो....
तुमच्या आमच्या समोर मात्र
ती त्या चेहऱ्यावर मेक-अपची पुटं चढवते.
निर्जीव मेक-अप मागे सजीव दुःखाला दडवते.
तुम्हाला मात्र त्या खोट्या मेक-अपमुळे
चमकणारा चेहरा आवडतो.
अन ऊदास वाटताच आज-काल
तिला ग्रेस वाचायला आवडतो
मिटल्या पापण्यात आठवणी बघते ती.
आठवणींमधे जगते तरीही....
भविष्यासाठीही धावते ती
अवसेच्या आंधारात निजताना
ऊद्याचा सूर्योदयही पाहते ती.
आठवणीच्या कोषात अडकूनही
सर्वांसोबत राहते ती.
अन अचानक एक दिवस
आठवणीच्या डोहात उतरावेसे वाटते.
नव्या सूर्यासोबत, मनात मात्र
गतकाळचे मळभ दाटते.
बोलक्या डोळ्यांनाही मग पूर येऊ लागतो.
अन नकळत, तिचा हात आठवणींकडे आधार मागतो.
पण पुढच्याच क्षणी तिला
नव्या सूर्यात आशेचा किरण सापडतो.....
असंच कधीतरी ऊदास वाटताच....
तिला ग्रेस वाचायला आवडतो....
तिला ग्रेस वाचायला आवडतो....
