बीप. बीप...
C.C.D. @ 6?? त्याचा मेसेज
“:)” तिचा रीप्लाय
उत्तरादाखल स्माईली पाठवायची
सवयंच होती तिला
नेहमीप्रमाणे ऊशिराच आला तो..
त्यांच्या नेहमीच्या जागेवर
ती वाट पहातंच होती
मोबाईलशी खेळत..
सॉरी सॉरी सॉरी..
कान धरुन नाटकी थाटात बोलला तो
काय करु अगं.. किती ट्रॅफिक असतं एस.पी.च्या चौकात
तिनं त्याची नक्कल केली.. तो ओशाळला
अन ती हसली खळखळून
तिच्या हसण्यामधे त्याच्या हसण्याचा आवाज मिसळला
सगळं कसं पाठ झालंय नाही आपल्याला..
एकमेकांच्या सवयी, कारणं
आवड निवड.. तिच्या डोळ्याला डोळा भिडवत म्हणाला तो
हंम्म्म..? चटकन नजर वळवत दुजोरा दिला तिने
ए गेल्या चार वर्षात काय धमाल केली ना आपण
तिचा हात हातात घेऊन बोलू लागला तो
सिंहगड, दुर्गा, मुळशी, पानशेत..
ई स्क्वेअर, आयनॉक्स, सगळे मॉल्स
त्याचं वाक्य जोडत बोलली ती
सुजाताची मस्तानी, नॅचरल्सचं आईस्क्रिम
आणि आणि..
हाऊ कॅन आय फर्गेट... C.C.D.
तो बोलत असतानाच वेटरने कॉफी आणून ठेवली
येस! एकंच कप दोघात शेअर करतो... थोडासा खट्याळपणे बोलला तो
"कदाचित शेवटचा"
त्याच्या हातातून हात सोडवून घेत बोलली ती
कॉफिवरचं हार्ट शेप क्रिम टॉपिंग
धूसर दिसू लागलं तिला
तसं टिश्यू पेपर उचलून बोलू लागली ती
काय करु रे.. किती प्रयत्न केला
पपा ऐकतंच नाही..
मला खोटी आशा नाही दाखवायची तुला
आवंढा गिळत बोलली ती एका दमात
त्यानं प्रतिक्रिया देण्याआधीच
त्याच्या गालावरुन हलकेच हात फिरवून
कॉफीशॉपच्या बाहेर पडली ती..
ईतकावेळ भरभरुन बोलणारा तो
तिच्या पाठमोऱ्या आकृतीकडे गोठल्यागत बघत राहिला..
कॉफीवरचं हार्ट विरलं..
तो तिथेच बसला होता..
बीप..बीप.. तिचा मेसेज
“जमलं तर माफ कर मला..लव्ह यू, टेक केअर अँड किप “:)”
त्यानं रीप्लाय केला...
यू टेक केअर टू...
“:)” कदाचित शेवटचं!!
कुणाल प्रकाश रुद्राके
