सांजेच्या भाळी छटा उदास
कातरवेळी तुझा भास उगाच
केशराचं खुळ क्षितिजाच्या पार
चांदण्याचा सडा तरी एकलं शिवार
झुळूक वाऱ्याची कि श्वास तुझा
चांदव्यावरही विरहाचा डाग असा
भिरभिरणाऱ्या मेघाला
हळवी सांज सावरणारी...
अन स्वप्नात तुझ्या
रातही सुखावणारी..
अशीच विरली सांज
सरली रात अजून एक
परत एकदा
हुरहुरत्या प्रभेची सावळ्या आठवांशी गळाभेट
कुणाल प्रकाश रुद्राके
No comments:
Post a Comment