सामान्य माणूस

यापेक्षा जास्त करुही काय शकतो सामान्य माणूस?

कपाळावरच्या शिरा तटतटेस्तोवर चिडेल

नाहीच झालं सहन तर हाताच्या मुठी आवळून घेईल जीव खाऊन

फारतर आपटेल आवळलेली मूठ, सहन होण्याईतपतंच जोरात

तरीही नाहीच गेला राग तर घालेल शिव्या कचाकचा

नाहीतर ओकेल भडभडा सगळं फ़ेसबुक ट्विटर वाॅट्सॅपवर

येणा-या कमेंट्सवर तावातावानं करेल चर्चा

रात्री पाठ टेकण्याआधी "भोकात गेले सगळे" म्हणत पंख्याचा स्पीड वाढवेल

दुस-या दिवशी उठून चालू लागेल नाकासमोर

परत शिरा तटतटेस्तोवर..

केपी आर