बाहुबली

बाहुबलीवर बोलणं अनिवार्य: बातमी

व्हूश्श्श्श्श.... व्हूश्श्श्श्श...व्हूश्श्श्श्श.... व्हूश्श्श्श्श...

आत्ताच हाती आलेल्या बातमीनुसार माननीय पंतप्रधानांनी आज सकाळच्या मंकी बातमध्ये रेडीओवरुन देशवासियांना दिलेल्या संदेशात बाहुबली सिनेमाबद्दल सर्वांनी बोलणं अनिवार्य असल्याचं सांगितलं आहे. शाहरुख, सलमान, आमिर या तिन्ही आघाडीच्या मुसलमान हिरोंच्या आजवरच्या कोणत्याही सिनेमानं जेवढी कमाई केली नसेल त्याच्या कैकपट कमाईचे उच्चांक बाहुबलीने पहिल्या तीन दिवसातंच प्रस्थापित केले आहेत. यावरुन हेच सिद्ध होतंय म्हणे की हिंदू देव-देवतांवर विनोद न करताही सिनेमा हिट करता येतो. राष्ट्रीय एकात्मतेच्या आणि राष्ट्रप्रेमाच्या दृष्टीने हा एकूणंच खूप महत्वाचा निर्णय असल्याने आज मंकी बातचा पूर्वनियोजित कार्यक्रम नसूनंही पंतप्रधानांनी तातडीने त्यांच्या वेळापत्रकात बदल करुन व रेडीओवरचे बाकीचे कार्यक्रम रद्द करुन मंकी बात केली आहे. दरम्यान पंतप्रधानांच्या मंकी बातचा आजचा भाग संपण्याआधीच देशवासीयांनी त्यांच्या नव्या नियमाची अंमलबजावणी करण्यास सुरुवात केली असून जागतिक स्तरावर ट्विटरवर ह्याशट्याग मंकी बात ह्याशट्याग बाहुबली व ह्याशट्याग जै माहेश्मती या ट्रेंड्‌सनी जोर धरलेला दिसून येऊ लागला आहे.

आजच्या मंकी बातमधे माननीय पंतप्रधानांनी मांडलेले काही विषेश मुद्दे खालील प्रमाणे

१) मित्रो.....

२) आज रात १२ बजे के बाद बाहुबली के बारे मे बात करना अनिवार्य होगा

३) बाहुबली के बारे मे बात या चर्चा करने के लिये बाहुबली फिल्म देखना अनिवार्य नही है

४) बाहुबली येह पहली ऐसी हिंदुस्तानी फिल्म है जो पुरे विश्व मे छा गयी है

५) आज के बाद हर सोशल मिडिया ईस्तेमाल करनेवाले हिंदुस्तानी को बाहुबली के बारे मे प्रति दिन कम से कम चार पोस्ट्‌स करना अनिवार्य होगा और वॉट्‌सॅप ईस्तेमाल करनेवालों को हर ग्रुप मे बाहुबली के बारे मे पोस्ट्‌स शेअर करना मँडेटरी हो गया है.

६) बाहुबली के बारे मे किये गये किसी भी पोस्ट को कोई भी नजरअंमदाज नही कर सकेगा. ऐसे पोस्ट पे कमेंट करना सांवैधानिक रुप से जरुरी होगा और कमेंट सिर्फ और सिर्फ शब्दों मे करना अनिवार्य है, बाहुबली के पोस्ट्‌स के उपर किसी भी तरह के ईमोजी ईस्तेमाल करने की अनुमति नही दी जायेगी.

७) बाहुबली येह कोई काल्पनिक कथा नही है बल्की रामायण मे भी बाहुबली का जिक्र पाया गया है

८) आखरी और महत्वपूर्ण बात येह है की बाहुबली के बारे मे बात करने के लिये फिल्मों के बारे मे जानकारी या फिल्मों का ज्ञान होना अनिवार्य नही है

९) जै माहेश्मती, जै हिंद

पंतप्रधानांच्या मंकी बात कार्यक्रमातील संदेशाच्या निमित्तानं आमच्या प्रतिनिधींनी देशतल्या काही मान्यवरांच्या प्रतिक्रिया जाणून घेतल्या.

अर्णब गोस्वामी: द नेशन वाँट्‌स टू नो...

आमचे प्रतिनिधी: सॉरी सर पण आता तुम्ही त्या च्यानेलचे भाग नाहीत

अर्णब गोस्वामी: अं... हंम्म्म नसेना का पण नेशन स्टील वाँट्‌स टू नो म्हणून माझ्याकडे आलात ना तुम्ही

अर्णबजी म्हणाले व्हूश्श.... द नेशन स्टील वाँट्‌स टू नो... व्हूश्श्श नेशन स्टील वाँट्‌स टू नो.... व्हूश्श्श्श नेशन स्टील वाँट्‌स टू नो

मोहन भागवत: सर्वप्रथम मी माननीय पंतप्रधानांच्या धाडसी निर्णयाचं स्वागत करतो. बाहुबली हि काल्पनिक कथा नसून ईसवीसनपूर्व ११०२ साली बाहुबली नामक हिंदू राजा होऊन गेला. अर्थात त्या काळात दुसरा कोणताच धर्म अस्तित्वातंच नव्हता. रामायण महाभारतातही बाहुबलीचा काही अंशी संदर्भ आढळतो, रामायणातला सुग्रीवांचे बंधू बली तसेच महाभारतातल्या भगवान श्रीकृष्णांचे बंधू बलराम यांचाच अवतार म्हणजे बाहुबली हे फार कमी लोकांना आजतागायत माहिती आहे. आणि अशा देवावतरावरचा सिनेमा असल्यानंच न भूतो न भविष्यती यश संपादन करुन बाहुबली सिनेमानं कमाईचा कधीही मोडला जाणार नाही असा विक्रम प्रस्थापित केलेला आहे. आम्ही तुमच्या माध्यमातून हिंदू जनतेला आवाहन करतो की प्रत्येकानं आपापल्या परीनं बाहुबलीबद्दल चर्चा तर करावीच पण हा सिनेमा प्रत्येक हिंदूने किमान दोन ते तीन वेळा सिनेमागृहात जाऊन बघावा. जै हिंद जै माहेश्मति

देवेंद्र फडणवीस: अध्यक्ष महोदय.... भारतात रहायचं असेल तर जै माहेश्मति म्हणावंच लागेल.

प्रकाश जावडेकर: प्राथमिक शाळांमध्ये ईयत्ता पहिली ते चौथी दिग्दर्शक राजमौलींचा ईतिहास समाविष्ट करण्याचा आम्ही सर्वतोपरी प्रयत्न करु. पावसाळी अधिवेशनात हा मुद्दा आम्ही जोर लावून मांडू, ज्या विरोधकांचं देशावर खरं प्रेम आहे ते या मुद्यावर सरकारला बिनशर्त पाठींबा देतील अशी आशा आहे.

नारायण राणे: हे बघा या देशात कोणी खरा बाहुबली असेल तर तो मी आहे आणि आम्ही जै माहेश्मति म्हणणार नाही. जै कोकण जै कोकणी माणूस

राज ठाकरे: तो शाहरुख आला होता माझ्याकडे, मी म्हणालो मला नाही भेटायचं. च्यायला तुम्ही पाकिस्तान्यांना पिक्चरमध्ये घेणार.... (साहेब प्रतिक्रीया बाहुबलीबद्दल देयचीये रईसबद्दल नाही.)

थोडसं सावरुन बसत राज ठाकरे पुन्हा: ए ते मगासचं डिलीट कर रे. हा रेडी...? तर च्यायला या परप्रांतियांनासुद्धा कळू दे बाहुबली हा मूळचा मराठी माणूस. बळी राजा, झालंच तर गेला बाजार भुजबळही मराठीच... आणि च्यायला महाराष्ट्रात रहायचं तर बाहुबलीबद्दल चर्चा करावीच लागेल आणि मराठीचा मान हा राखावाच लागेल. जै महाराष्ट्र जै माहेश्मति

उद्धव ठाकरे: "बाळा"साहेब एकंच होते... शिवसेनेतून बाहेर गेलेल्यांचे काय हाल होतात ते अवघ्या महाराष्ट्रानं पाहिलंय. तेव्हा कोणत्याही नारोबानं आम्हाला शिकवू नये महाराष्ट्राचा खरा बाहुबली कोण ते... एक बाळासाहेब आणि एकंच बाहुबली तो म्हणजे शिवसेनाचा ढाण्या वाघ... जै माहेश्मति जै महाराष्ट्र

रामदास आठवले: दिग्दर्शक होतात लाख... दिग्दर्शक... होतात लाख पण लाखात एकंच असतो राजमौली... ज्याच्यासाठी ही ज्ञानपीठ विजेती कविता केली तो फक्त एकमेव बाहुबली... जै माहेश्मति

छगन भुजबळ: अरे मला तर ईतकी वर्ष लागली त्या राजमौलीनं एका आठवड्यात कमवले की रे, त्याची कोणीतरी चौकशी करा... किमान बाहुबली बघण्यासाठी तरी सोडा रे... जै माहेश्मति

अरविंद केजरीवाल: सब मिले हुये है जी... येह बाहुबली मे किसका पैसा लगा है येह सब जानते है... शीला दिक्षितजी से ले के अंबानी अदानी, यहा तक के मोदीजी का भी पैसा दाव पे लगा है.. यूँही कोई बाहुबली की चर्चा करना अनिवार्य नही करता...लेकीन हम भी व्हाईट मनी से ईतनी हिट फिल्म बना के दिखायेंगे... तब तक जै माहेश्मति

राहुल गांधी: मै मोदीजी की कडी निंदा करता हू.... अगर मै बोलूंगा तो भूकंप हो जायेगा... लेकीन तब तक मनमोहन अंकल मुझे वोह बाहुबलीवाला हाथी दिला दो ना प्लिज... मुझे भी प्रभास जैसा फोटोशूट करवाना है.

मनमोहन सिंग: द डिसीजन टू मेक डिस्कशन्स ओव्हर बाहुबली मँडेटरी विल कॉज ग्रिव्हस डिस्रप्शन्स टू द कॉमन मॅन व्हू अर्न्स डेली वेजेस थ्रू कॅश. धिस ईज अ मॉन्युमेंटल मिस्मॅनेजमेंट...

मोदीजी: बाहुबली कितने ही रीकार्ड क्यूँ न तोडे लेकीन वोह मनमोहनजी का एक रीकार्ड कभी नही तोड सकता... उन के जैसा रेनकोट पहन के नहाना किसी को नही आ सकता... अबे ए क्यामेरामन उधर कहा झक मरा रहा है... मै ईधर हू. जै हिंद जै माहेश्मति

स्मृती ईराणी: बाहुबली हिंदुस्तान की शान है... ईस मे से कोई भी बात अगर झूट निकली तो मै अपना सर कलम कर के आप के कदमो मे रख दूंगी. और हा, रईस जैसी देशद्रोहियों की फिल्मे बनानेवालो को मै चुडीया उपहार मे देनेवाली हू

शरद पवार: काल मोदीजी जपान मध्ये जापनीज पिक्चर बघत होते, आज सकाळी गोव्यात गोवन शिन्मा बघत होते, मग दुपारी त्यांनी बेळगावात बाहुबली बघितला आणि आत्ता ईथे पुण्यात येऊन मंकी बातमध्ये बाहुबलीबद्दल बोल्ले... माहीत नाही आता रात्री कुठे जाणारेत.. पण यावरुन त्यांची कमिटमेंट दिसते... आता ती पिच्चरबद्दल, फिरण्याबद्दल की मंकी बातबद्दल ते विचारु नका.

अविनाश धर्माधिकारी: या सिनेमाला विरोध करणारे क्रिटीक्स रईस आला तेव्हा तोंडात मिठाची गुळणी भरुन गप्प बसले होते. आजवर प्रेक्षक आणि समीक्षकांच्या बोटचेप्या धोरणामुळेच ही परीस्थिती आलीये. हिंदूंवर टिका केलेलं ते सगळं छान मानणारी सो काॅल्ड विचारवंतांची जमात पासाळ्यातल्या बेडकाच्या छत्र्यांसारखी फोफावलीये. बाहुबलीच्या रुपात राजमौलीनं या सगळ्यांचं दुटप्पी सेक्युल्यारीज्म नागडं करुन समोर आणलंय. जै माहेश्मति

डाॅक्टर डोईफोडे (प्रसिद्ध मानसोपचारतज्ञ): बाहुबली हा सिनेमापुरता विषय न राहता बाहुबुली झालेला आहे. आजकाल ज्याला त्याला बाहुबलीबद्दल बोलायचंय, व्यक्त होयचंय. बाहुबली बघायची ईच्छा नाही किंवा बाहुबली सिनेमा आवडला नाही म्हणणा-यांना सोशल नेटवर्कींग साईट्सवर मोठ्या प्रमाणात ट्रोल केलं जातंय. काही ठिकाणी बाहुबलीवर टिका केली म्हणून समीक्षकांवर हल्ला झाल्याच्या घटना समोर येत आहेत तर काही समीक्षकांना ते दुस-या धर्माचे असल्यानं त्यांनी बीहुबलीवर टिका केली अाहे असे आरोप केल्याची उदाहरणं बघायला मिळत आहेत. याउपर एका समीक्षकाने बाहुबलीमध्ये फक्त हिंदू धर्माबद्दलंच चित्रण का केलंय, बाकीच्या धर्मांचा काहीही उल्लेख केला नाहीये अशी उरफाटी टिका केलेली आहे.

यात भर म्हणून की काय आता सरकारनंही बाहुबलीवर रोज बोलणं मँडेटरी केलं आहे.

बाहुबलीचे समर्थक, विरोधक आणि बाहुबलीवर बोलणं मँडेटरी करणारं सरकार हे सगळेचजण आपापल्या सोयीनं आपल्या आर्ग्युमेंटसाठी बाहुबलीचा वापर करुन एकमेकांना आणि बाहुबलीबद्दल तटस्थ असलेल्या सामान्य जनतेला सर्वतोपरी बुली करत आहेत, त्यामुळे माझं असं स्पष्ट मत झालेलं आहे की बाहुबलीला या सर्वांनी बाहुबुली केलेलं आहे

निखिल वागळे: मंकी बात मधून वेगवेगळ्या गोष्टींची जबरदस्ती करणं हा मोदीजींना सत्तेचा चढलेला उन्माद आहे का? जो माणूस फक्त स्वतःच्या मनातलं सांगतो आणि त्याला मंकी बात म्हणून बाकी कोणालाही बोलायला संधी नाकारतो अशा माणसाला स्वार्थी म्हणू नये का? हा सिनेमाचं भगवेकरण करण्याचा डाव आहे का? या आणि अशा अनेक अपरीहार्य प्रश्नांची ऊत्तर पाहण्यासाठी बघत रहा... अं... अं... आज कोणत्या च्यानेलमध्ये आहे रे मी?

याच दरम्यान हिंदू महासभा, आरेसेस, बजरंग दल, अभाविप, अखिल भारतीय गौरक्षा समिती या आणि अशा कित्येक देशप्रेमी संघटनांनी बाहुबलीला मरणोत्तर भारतरत्न देण्याची मागणी लावून धरलेली आहे. या विषयावर वादंग झाल्यामुळे आज लोकसभेचं कामकाज स्थगित करण्यात आलं.

आमचे प्रतिनिधी या घटनेचा पाठपुरावा करुन हरेक ताजी घाडामोड तुमच्या समोर आणतंच राहतील... आता घेऊया एक छोटासा ब्रेक... कुठेही जाऊ न का बघत रहा आयच्यान नेटवर्क... ब्रेक नंतर आपण पाहणार आहोत...

व्हूश्श्श्श्श.... व्हूश्श्श्श्श... दिग्दर्शक राजमौलींची विशेष मुलाखत...

व्हूश्श्श्श्श.... व्हूश्श्श्श्श... कॉलेजमध्ये असल्यापासून बाहुबली होतं राजमौलीचं स्वप्न... व्हूश्श्श्श्श.... व्हूश्श्श्श्श... बाहुबलीनं दिला होता दिग्दर्शक राजमौलींना दृष्टांत

व्हूश्श्श्श्श.... व्हूश्श्श्श्श... राजमौलींचा स्वप्न ते बाहुबली हा स्वप्नवत प्रवासाचा आता ईतिहासाच्या पाठ्यपुस्तकात समावेश होणार...

तूर्तास घेऊया छोटासा ब्रेक... ऊघडा कान खपा नीट...

केपी आर