काही दिवसांपूर्वी
कधी नाही ते
मॉर्निंग वॉकला गेलो
आजूबाजूला मिट्ट काळोख
आणि घट्ट धुकं
धुकं चिरत..
सूर्याकडे चालत राहिलो
चंद्रासारख्या दिसणाऱ्या सूर्याला
डोळ्यानंच मिठी मारुन
मागे फिरलो
घरात सगळीकडे शोधलं
पण... तू नव्हतीस..
अंदाजानं हातंही पसरले
चारही बाजूला..
पण जाणवलाच नाही तुझा स्पर्श..
घरी येईपर्यंत
धुकं निवळलं होतं आजूबाजूचं
अन साठलं होतं
माझ्या डोळ्यात..

आता मी लख्ख उजाडल्याशिवाय
बाहेरंच पडत नाही

के पी आर