"मागे वळून बघ एकदा"....
कारे दगड हातामधे
कोणासाठी डोकी फोडतोय
रक्त वाहतंय कुणाचं
का हा हिंसाचार घडतोय?
का रे भाषा लाठ्या-काठ्यांची
गालावरचं हसू लोपलंय....
कपाळावर सत्ता आठ्यांची
तूही म्हणे विचार करतोय.
कुणाचा हा कत्तलखाना
कुणासाठी गळे चिरतोय.
नसानसांतून वाहतंय ते पाणी
अन रस्त्यावर मात्र रक्ताचा पाट वाहतोय.
कशासाठी जाळपोळ ही
कोणासाठी आग लावतोय.
राखेशिवाय काय येणार हाती
तू मात्र आगीतंच गारवा शोधतोय.
कारे आकांत तुझ्या जीवाचा
कुणाकडून आशा करतोय
कसला सच्चेपणा अन कसली तत्व
आपल्या पैशानंच तो खिसे भरतोय.
जात-पात धर्म पुढारी
नेत्यांची ही अक्कल हुशारी.
कसलं सरकार अन कसली सत्ता
कसला पक्ष अन कसली निष्ठा.
कशामागे वणवण धावतोय
कोणतं सुख अन कसली शांती
कोणासाठी मानवतेशी लढा करतोय????
महाराष्ट्र बंद कोणासाठी? कोणासाठी भारत बंद?
सर्वांगात उसळणारं रक्त आता पडलंय थंड.
थंड रक्तानंही कोणासाठी हत्यार उचलतोय
कोणाला मारतोय तू..... अन कोणासाठी मरतोय?
मागे वळून बघ एकदाच....
बघ एकदाच तू काय करतोय....
बघ एकदाच तू काय करतोय....
कुणाल.
--
No comments:
Post a Comment