अनुभवलेलं जग - सुंदर तरुणी.
काल रस्त्यामधे एक सुंदर तरुणी दिसली.
फार पूर्वीची ओळख असल्यासारखी ती गालात गोड हसली.
तिनं माझ्याकडे, मी तिच्याकडॆ हळूच नजर चोरुन पाहिलं.
आता फक्त पुढे जाऊन तिच्याशी बोलायचंच राहिलं.
माझ्याशी बोलायलाही तीच पटकन पुढे सरसावली.
हे स्वप्नं की सत्य हा विचार करुन आता चक्करच यायची राहिली.
मन म्हणालं, "याआधीच तू मला का नाही गं दिसली.
"जरा.... हा पत्ता सांगता का?" असं लडिवाळपणे तिनं विचारलं.
कोमल आवाज ऐकून तिचा, मन कसं आनंदाच्या झऱ्यात न्हायलं.
पत्त्याचा कागद हातून तिच्या घेताना आपसूकच शहारलं.
"थॅंक यू भैय्या" म्हणून सांगितलेल्या पत्त्यावर तडक ती निघाली.
भैय्या ऐकून हिरमूसून, चेहरा पाडून मी ही घरची वाट मग धरली.
आता मात्र पक्क ठरवलंय मी, पत्ता कुणालाही सांगायचा नाही.
विचारलंच कुणी हटकून तर सांगेन, "मी ही ईथे नवीनच आहे, मला काहीच माहित नाही ताई"
कुणाल.
No comments:
Post a Comment